Sunnudagurinn 12. maí í Seltjarnarneskirkju

Uppskeruhátíð sunnudagaskólans kl. 11.  

sunnudagaskoliSunnudagaskólastarfi vetrarins lýkur með pompi og prakt. Skólalúðrasveit Seltjarnarness (yngri deild) leikur létt lög undir stjórn Kára Húnfjörð Einarssonar. Leiðtogar sunnudagaskólans þjóna ásamt æskulýðsfulltrúa, sóknarpresti og organista safnaðarins. Mikið sungið í þessari skemmtilegu athöfn, en að henni lokinni býður söfnuðurinn upp á pylsur og djús.

Allir velkomnir, börnin, systkini, pabbar og mömmur, afar og ömmur og auðvitað líka langömmur og langafar og allar frænkur og frændur. Fjölmennum með börnunum á þessa fjölskylduhátíð.

Fimmtudagurinn 9. maí

Dagur eldri borgara í Seltjarnarneskirkju
kl. 11 á uppstigningardag

Messa á Degi eldri borgara í Seltjarnarneskirkju kl. 11.
Ingibjörg Hannesdóttir, fyrrverandi leikskólakennari, flytur hugleiðingu.

Gömlu meistararnir syngja undir stjórn Ingu Bjargar Stefánsdóttur.

Eldri borgarar úr Garðabæ koma í messuna og lesa ritningarlestra.

Sr. Bjarni Þór Bjarnason, sóknarprestur, þjónar, ásamt Friðriki Vigni Stefánssyni, organista.

Veitingar eftir athöfn í boði kirkjunnar. Friðrik organisti leikur á harmónikku undir almennan söng undir borðum.

Sunnudagurinn 28. apríl

Guðsþjónusta og sunnudagaskóli kl. 11.

Félagar úr Lionsklúbbi Seltjarnarness taka þátt og færa Seltjarnarneskirkju 250 nýjar sálmabækur að gjöf.

Ægir Ólason og Gunnar H. Pálsson lesa ritningarlestra. Örn Johnson les bænir. Bragi Ólafsson, formaður Lionsklúbbsins fyltur ávarp.

Sr. Bjarni Þór Bjarnason, sóknarprestur, þjónar, ásamt Bjarna Þór Jónatanssyni, organista. Selkórinn syngur undir stjórn Oliver Kentish.

Kaffihlaðborð í boði Lionsmanna eftir athöfn.

Fleiri greinar...