Fjölskyldur, áföll og sorg
Fimmtudaginn 13. október hefst í Seltjarnarneskirkju á vegum Starfs- og leikmannaskóla kirkjunnar námskeið í sálgæslu, Fjölskyldur, áföll og sorg. Á námskeiðinu verður fjallað um fjölskyldur, tengsl og hvernig við tökumst á við áföll og sorg . Hugað verður að því hvernig hægt er að efla fagmennsku okkar í þessum efnum og fjallað um mikilvægi þess að hjálpað sé til að efla tjáningu og tengsl á faglegan hátt. Einnig verður leiðbeint um hvernig við getum nýst bæði í skyndiaðstæðum, í samfylgd og eftirfylgd við syrgjendur. Farið verður í dæmi og æfingar sem lúta að þessu gerðar í hópnum.
Umsjón: Sr. Vigfús Bjarni Albertsson sjúkrahúsprestur á LHS
Tími: Fimmtudagar, 13., 20. og 27. október, kl 20.00-22.00
Staður: Seltjarnarneskirkja, safnaðarheimili
Skráning fer fram með því að senda tölvupóst á This e-mail address is being protected from spambots. You need JavaScript enabled to view it. eða hringja í síma 528 4000