Helgistund á gömlu kirkjustæði

[widgetkit id="1"]

Sunnudaginn 13. júní fór fram helgistund á gamla kirkjustæðinu við Nesstofu.

Fyrri hluti helgistundarinnar var úti þar sem kirkjurnar í Nesi við Seltjörn stóðu hver af annarri frá því á 12. öld og til ársins 1799. Á þessu ári eru 230 ár síðan síðasta kirkjan í Nesi var vígð, en það var árið 1785. Síðari hlutinn fór svo fram inni í Lyfjafræðisafninu. Sr. Bjarni minntist sérstaklega þeirra sem lagðir voru til hinstu hvílu í kirkjugarðinum við Nesstofu, en hann var í notkun fram á annan tug 19. aldar. Nefnd á vegum sóknarnefndar hefur lagt til að svæði sunnan við Nesstofu verði afmarkað fyrir nýjan kirkjugarð, en jafnframt hefur sóknarnefnd hug á að gera skrá yfir þá sem hvíla í hinum forna kirkjugarði. Þar voru jarðsettir auk Seltirninga sjómenn sem fórust við Gróttu eða nágrenni hennar. 

Alls voru það 75 manns sem tóku þátt í þessari helgiathöfn.