Albertsmessa og sýning á Gróttumyndum
Sunnudaginn 10. júní kl. 11 verður efnt til Albertsmessu í Seltjarnarneskirkju. Í þessari athöfn verður Alberts vitavarðar minnst en hann lést 12. júní 1970.
Sóknarprestur og organisti kirkjunnar þjóna og Halldór Unnar Ómarsson leiðir almennan safnaðarsöng.
Pálína Magnúsdóttir, bæjarbókarvörður les ritningarlestra
Sýning á Gróttumyndum opnuð í lok athafnar. Katrín Pálsdóttir formaður menningarnefndar flytur ávarp og opnar sýninguna.
Kaffiveitingar.
Nemendur í 4. bekk í Mýrarhúsaskóla koma í Seltjarnarneskirkju
Nemendur í 4. bekk í Mýrarhúsaskóla hafa komið í Seltjarnarneskirkju þrjá morgna í röð, einn bekkur í einu. Nemendurnir komu með kennurum sínum og hafa unnið verkefni úr myndum Katrínar Jónsdóttur sem eru til sýnis í safnaðarheimilinu. Nemendurnir hafa haft mikla ánægju af þessu verkefni sem er samstarfsverkefni Mýrarhúsaskóla og Seltjarnarneskirkju. Katrín listakona var á staðnum og svaraði ýmsum spurningum sem vöknuðu meðal nemenda. Hún gerði myndir sínar út frá Barnasáttmála Sameinuðu þjóðanna. Hér er svo ljósmynd af 4-LAS sem kom 15. nóvember ásamt Laufeyju Öldu Sighvatsdóttur, kennara og Önnu Katrínu Guðdísardóttur, stuðningsfulltrúa. Kirkjan bauð svo öllum upp á djús og kex áður en börnin fóru aftur í skólann.